Russiýa ABŞ-nyň prezidenti Donald Trampyň Gaza parahatçylyk meýilnamasyny goldajak öz taslamasyny BMG-nyň Howpsuzlyk Geňeşinde öňe sürmek tagallalaryna jogap hökmünde Gaza üçin öz BMG taslamasyny hödürledi.
“Reuters” agentliginiň gören taslamasyna görä, geçen hepde Geňeşiň 15 agzasyna resmi taýdan iberilen ABŞ-nyň kanun taslamasynda iki ýyllyk geçiş dolandyryş edarasy üçin sebitleýin goldaw we halkara durnuklaşdyryş güýjüne (ISF) ygtyýar berlendigi habar berilýär.
Russiýanyň BMG-däki missiýasy “Reuters” agentliginiň gören belliginde öz “garşy teklibiniň” ABŞ-nyň taslamasyndan ylham alandygyny aýtdy. Bellikde taslamanyň maksadynyň “Howpsuzlyk Geňeşine durnukly ot açmagy bes etmek üçin deňagramly, kabul ederlikli we bitewi çemeleşmäni işläp düzmäge mümkinçilik bermek”digi aýdylýar.
Rus taslamasynda BMG-niň Baş sekretaryndan Gaza üçin halkara durnuklaşdyryş güýjüniň mümkinçiliklerini kesgitlemegini talap edýär we ABŞ-nyň Gaza üçin wagtlaýyn dolanşyk hökmünde teklip eden "Parahatçylyk Geňeşi" barada hiç zat aýdylmaýar.
