Polşanyň “TVP World” teleýaýlymynyň habar bermegine görä, Polşa we NATO ýylyň iň uly harby türgenleşikleriniň çäginde takmynan 30000 esger ýerleşdirdi.
Şeýle hem Polşanyň Ýaragly Güýçleri 600-den gowrak tank, uçar we raketa ulgamyny bir ýere jemledi.
"Demir Gapy" diýlip atlandyrylýan bu türgenleşik, Russiýanyň Kaliningrad eksklawynyň golaýyndaky Orzyszda, strategiki Suwalki koridoryndan 100 km uzaklykda geçirilýär.
Maglumata görä, bu türgenleşikler Russiýa bilen dartgynlylygyň ýokarlanmagynda bileleşigiň agzybirligini görkezmäge gönükdirilendir.
Türgenleşikler şeýle hem Russiýanyň 12-nji sentýabrdan bäri serhediň golaýynda geçen Belarussiýa bilen bilelikdäki "Zapad-2025" harby türgenleşiginiň çarşenbe güni gutarmagyndan soň geçirilýär.
Türgenleşikler şol bir wagtda birnäçe gün ozal sebitde amala aşyrlan şübheli rus uçarmansyz howa ulagynyň hüjüminiň yz ýanyndan geçirilýär.
Geçen hepde Polşa Russiýanyň Ukraina garşy hüjüm guran mahaly azyndan 19 uçarmansyz howa ulagynyň Polşanyň howa giňişligine girendigini habar berdi, emma Russiýa bu düzgüniň bilkastlaýyn edilmändigini aýtdy.
