Adam hukuklary guramasy şenbe güni beren beýannamasynda Eýranda geçirilýän protest ýörişlerinde ýogalanlaryň sanynyň 3 müň adamdan geçendigini, 8 gün ozal kesilen internediň ýuwaş-ýuwaşdan işlemäge başlandygyny habar berdi.

Merkezi ABŞ-da ýerleşýän HRANA topary,  sebitiň ýaşaýjyşlarynyň basyşlar sebäpli protest ýörişleriniň umuman alnanda basylyp ýatyrlandygy hakyndaky beýannamasyna ünsi çekdi.

Döwletiň resmi habar beriş serişdesi tussag edilenleriň sanynyň artandygyna, 2 müň 885-i protestçy bolmak bilen 3090 adamyň ýogalandygyna ünsi çekdi.

Roýter habarlar gullugy, paýtagt Tähranda 4 günden bäri ýagdaýyň kadalaşýandygyny, penşenbe we anna güni uly göwrüml protest ýörişleriniň geçirilmändigini habar berdi.

Hazar deňziniň kenarynda ýerleşýän şäherde köçelerde durnuklylygyň ýola goýlandygy nygtaldy.

Eýrandaky protest ýöreşleri 28-njy dekabrda ykdysady kynçylyklar sebäpli başlady we ýurduň çar tarapyna ýaýrady.

İnternet gözegçiligini alyp barýan NetBlojks X sosial media platformasy arkaly beren habarnamasynda 200 sagat soň Eýranda internediň ýuwaş-ýuwaşdan işlemäge başlandygyny habar berdi.

Daşary ýurtlarda ýaşaýan eýranlylar şenbe güni ir ertir Eýrandaky garyndaşlary bilen aragatnaşygyň ýola goýulmaga başlanandygyny mälim etdi.

Protestçylara özlüm jezasy berlen halatynda Eýrana berk çäre görmek bilen hemle atan ABŞ-nyň Prezidenti Donald Tramp, Tährandaky liderleriň köpçülikleýin ölüm jezalaryny ýatyrandygyny aýtdy.