Russiýanyň Prezidenti Wladimir Putiniň howpsuzlyk boýunça ýokary geňeşçisi Sergeý Şoýgu, Demirgazyk Koreýa bardy. TASS habarlar gullugy anna güni beren habarynda, Sergeý Şoýgunyň saparynyň iki ýurduň arasynda howpsuzlyk boýunça edilýän hyzmatdaşlyk taýdan möhümdigini nygtady.
Habarda, Şoýgunyň Demirgazyk Koreýanyň lideri Kim Çin Yn bilen duşuşmagyna garaşylýandygy ýatladyldy. TASS-yň habarynda sapar hakynda giňişleýin maglumat berilmedi, Demirgazyk Koreýanyň köpöçülikleýin habar beriş serişdeleri hem Şoýgunyň sapary hakynda hiç hili maglumat bermedi.
2024-nji ýylyň maý aýyna çenli Russiýanyň Goranmak ministri wezipesini ýerine ýetiren Şoýgu, ozal hem Demirgazyk Koreýada saparda boldupdy. Resmi Phenýan şol döwürde Ukrainadaky söweşde Russiýanyň hatarynda söweşmegi üçin esger ugratmaga taýarlanýardy.
ABŞ bilen Koreýa Respublikasynyň ýolbaşçylary, Demirgazyk Koreýanyň Russiýanyň gündogarynda ýerleşýän Kursk sebitine 10 müňden gowrak esger ornaşdyrandygyny, agyr ýaraglar we artilleriýa bilen balistiki raketa ulgamlaryny ugradandygyny öňe sürdi.
Demirgazyk Koreýanyň hem Moskwadan harby tehnalogiýa bilen ykdysady taýdan kömek alandygy nygtalýar.
Ne resmi Phenýan ne-de resmi Moskwa, Demirgazyk Koreýanyň Russiýa esger we ýarag ugradandygyny kabul etmedi.
Iki ýurt 2023-nji ýylyň iýun aýynda liderler tarapyndan baglaşylan strategik hyzmatdaşlyk şertnamasynyň çäginde ýakyndan gatnaşyk edýändiklerini nygtaýar.
