Türkiye Ispaniýa bilen 2-2 hasabynda deňme-deň oýnap, 2026-njy ýyldaky FIFA Dünýä Kubogynyň pleý-off tapgyryna geçmäge mümkinçilik gazandy. Ispaniýa bu oýundan soň Dünýä Kubogyna gatnaşmaga hukuk gazandy.

Sewiliýadaky La Kartuha stadionynda geçirilen oýunda Ispaniýa 4-nji minutda Dani Olmonyň goly bilen öňe geçdi, Türkiye bolsa 42-nji minutda Deniz Gül bilen hasaby deňleşdirdi.

Türkiye 54-nji minutda Salih Özjanyň uzak aralykdan geçiren goly bilen öňe geçdi.

Ispaniýa 62-nji minutda Mikel Oýarzabalyň goly bilen ýene-de deňleşdirdi we oýun 2-2 hasabynda tamamlandy.

Türkiyäniň milli ýygyndysynyň gollary Ispaniýanyň saýlama tapgyrynda ilkinji iki goly boldy, Ispaniýa bolsa topariçi tapgyrynda ilkinji deňme-deňlige eýe boldy.

Türkiye Dünýä çempionatynyň pleý-off ýarym finalynda Şwesiýa, Rumyniýa, Demirgazyk Makedoniýa ýa-da Demirgazyk Irlandiýa bilen bäsleşer.