Milli Goranmak ministrliginden berilen beýannamada Eýrandan atylan we Yragyň hem-de Siriýanyň howa giňişligini geçenden soň Türkiýäniň howa giňişligine ýönelendigini anyklanan ballistiki raketanyň NATO-nyň Gündogar Ortaýer deňzinde ýerleşýän howa we raketa goranyş ulgamlary tarapyndan urlup düşürilendigi mälim edildi.
Raketanyň Hataýda welaýatyna düşen bölekleri howa goranyş raketasyna degişlidi.
Howpuň howada ýok edilmeginden soň Hataýyň Dörtýol etrabyna düşen bölekleri barada maglumat berilýän beýanatda şeýle diýilýär: “Raketanyň Hataý welaýatynyň Dörtýol etrabyna düşen bölekleriniň howada howpy ýok eden howa goranyş raketasyna degişlidigi anyklandy. Wakada adam pidasy ýa-da ýaralanma bolmady. "Howpuň nireden gelýändigine garamazdan degişli gaýtawul görkeziler.”
Beýannamada Türkiýäniň sebitleýin durnuklylygyň we parahatçylygyň tarapdarydygyna üns çekilip, ýurduň we raýatlarynyň howpsuzlygyny üpjün etmek isleginiň hem-de mümkinçiliginiň ýokary derejededigi nygtaldy. Beýannamada: "Biz kimden we nireden gelip çykýandygyna garamazdan, terriyoriýamyzyň we raýatlarymyzyň howpsuzlygyny üpjün etmäge ukyply. Howa giňişligimizi goramak üçin ähli çäreler dessine we ikirjiňlenmezden görüler. Ýurdumyza garşy islendik duşmançylykly garaýyşa jogap bermek hukugymyzy saklaýandygymyzy ýene-de bir gezek ýatladýarys" diýilýär.
Sebitleýin gapma-garşylyklar barada duýduryş
Beýannamada ähli taraplar gapma-garşylygyň ýaýbaňlanmagyna sebäp boljak hereketlerden saklanmaga çagyryldy we bu babatda NATO hem-de beýleki ýaranlar bilen geňeşmeleriň dowam etdiriljekdigi bellenildi.
Daşary işler ministri Hakan Fidan Eýranyň daşary işler ministri Abbas Arakçi bilen telefon arkaly söhbetdeşlik geçirdi.
Diplomatik çeşmelerden alnan maglumata görä, ministr Fidan Eýrandan atylandan soň Türkiýäniň howa giňişligine tarap gönügen ballistik raketany anyklanyp, täsirsiz ýagdaýa getirilen ballistiki raketa Türkiýäniň reaksiýasyny beýan etdi. Fidan sebitdäki dartgynlylyga ünsi çekip, gapma-garşylygyň ýaýbaňlanmagyna sebäp boljak ähli hereketlerden çetde durmagyň zerurdygyny nygtady.
