Ukrainanyň prezidenti Wladimir Zelenskiý soňky hepdelerde Moldowanyň üstünden uçup barýarka, Russiýanyň onuň prezidentlik uçaryny iki gezek uçarmansyz howa ulaglary bilen nyşana almaga synanyşandygyny aýtdy.
Zelenskiý sişenbe güni CBS News teleýaýlymyna beren interwýusynda: “Prezidente degişli uçar Moldowadady we şonuň üçin olar Moldowa hüjüm guradylar. Biz ýurda gaýdyp barýarkak Kişinýowdan geçenimizde hem şol bir zady etdiler” diýip belledi.
Kişinyowyň üsti bilen guran soňky iki saparynyň dowamynda Zelenskiý Moldowanyň howa giňişliginde uçarmansyz howa ulaglary bilen bolan wakalara ünsleri çekdi, ýöne uçarynyň nyşana alynmagy synanyşygy barada goşmaça maglumat bermedi.
Norwegiýanyň Premýer-ministri Ionas Gar Stýore 9-njy sentýabrda Ukrainanyň prezidenti Zelenskiniň uçarynyň Norwegiýanyň patyşasy Garald V-niň jaýlamak çäresine gatnaşmak üçin Moldowadan Oslo şäherine barýarka uçarmansyz howa ulagy tarapyndan nyşana alynmak howpyny başdan geçirendigini aýtdy, ýöne ol wakanyň jikme-jiklikleri barada maglumat bermedi.
