Milan Kortina 2026 gyşky olimpiýa oýunlarynyň açylyş dabarasynda Ysraýylyň olimpiýa toparynyň stadiona giren pursatlarynda dabara gatnaşyjylar türgenlere garşylyk görkezdi.
Ysraýylyň baýdagyny göteren 4 adamlyk topar anna güni açylyş dabarasy üçin San Siro stadionyna girdi. Açylyş dabarasyna gatnaşyjylar ysraýylly türgenlere garşylyk görkezdi.
Ysraýylly türgenler açylyş dabarasyndan öň, basyp alyşlyk astyndaky Gazada Ysraýylyň eden genosidi sebäpli dabarada başdan geçirlip bilinjek duşmançylykly garşylama üçin taýardyklaryny aýtdy.
Ysraýyl Gazada eden genosidinde 72 müň palestinlini öldürdi we 171 müň 400-den gowrak adamy ýaralady.
Habarnamalarda genositde öldürlenleriň sanynyň 200 müňe ýetip biljekdigi öňe sürülýär.
Binalaryň we öýleriň 90 göterimini ýykan Ysraýyl, Gazanyň ýarysyndan gowragyny basyp almaga dowam edýär.
Gazanyň Saglygy goraýyş ministrligine görä, Ysraýyl oktýabr aýynda gazanylan ylalaşyga garamazdan esasy bölegi asuda ilatdan 560 palestinlini öldürdi.
Ysraýylly ýolbaşçylar ady agzalýan döwürde ysraýylly 4 esgeriň palestinliler tarapyndan öldürlendigini mälim etdi.
