Gazaly ýolbaşçylara görä, 10-njy oktýabrda Gazada hüjümleriň bes edilmegi baradaky ylalaşygyň güýje girendigine garamazdan Ysraýylyn howpsuzlyk güýçleri tarapyndan azyndan 97 palestinli öldürildi, 230 adam ýaralandy.

Ýolbaşçylar diňe ýekşenbe güni 21 düzgünbozmanyň bellige alynandygyny mälim etdi.

Hökümetiň metbugat gullugy tarapyndan berlen beýannamada, “Ysraýylyň howpsuzlyk güýçleri ylalaşyga garamazdan halkara ynsanperwer hukugyny basgylamaga dowam edýär we ylalaşygy 80 gezek basgylady” diýildi.

Beýannmada, “Ysraýylyň düzgün bozmalarynyň arasynda asuda ilata od açylmagy, bilkastlaýyn nyşana almak we tussag etmeler bar”diýildi.

Gazadaky hökümet düzgünbozmalardan Ysraýylyň howpsuzlyk güýçleriniň jogapkärdigini mälim etdi we BMG-na düzgünbozmalaryň bes edilmegi üçin gyssagly işe girişmegi barada çagyryş berdi.

Hamas bilen Ysraýylyň arasynda, ABŞ-nyň Prezidenti Donald Tramp tarapyndan teklip edilen meýilnama laýyklykda gazanylan ylalaşyk 10-njy oktýabrda güýje girdi.

Ylalaşygyň birinji tapgyry Ysraýylyň howpsuzlyk güýçleriniň tapgyrlaýyn sebitden yza çekilmegini, ýesirleriň we tussaglylaryň çalşylmagyny we halka ynsanperwer kömeginiň ýetirilmegini öz içine alýar.

Ysraýylyň iki ýyldan bäri Gaza guraýan hüjümlerinde 68 müňden gowrak palestinli ýogaldy, 170 müň adam ýaralandy we Gaza harabalyga öwrüldi.