Eýranda Halkara Atom energiýasy agentligi bilen hyzmatdaşlyk etmezlik kanuny güýje girdi
Tähran, Ysraýylyň we ABŞ-nyň ýadro desgalaryna guran hüjümlerinden soň Halkara Atom Energiýasy agentligi bilen hyzmatdaşlygy togtatmak baradaky kanunyň hökmanydygyny mälim etdi.
Eýranyň Daşary işler ministri Abbas Arakçi Halkara Atom Energiýasy agentligi bilen hyzmatdaşlygy togtatýan täze kanunyň parlament tarapyndan tassyklanandygyny we Konstitusiýany Goramak Geňeşi tarapyndan hem tassyklanandygyny we güýje girendigini habar berdi.
Arakçi döwlet telewideniýesine "Parlament tarapyndan tassyklanan we şu gün Konstitusiýany Goramak Geňeşi tarapyndan tassyklanan kanun taslamasy biziň üçin hökmany we durmuşa geçirilişi babatynda hiç hili şübhe ýok" diýdi.
Arakçi: "Mundan beýläk Halkara Atom Energiýasy agentligi bilen gatnaşyklarymyz we hyzmatdaşlygymyz täze görnüşe eýe bolar" diýip nygtady.
Bu kanun, soňky hepdelerde Ysraýylyň we ABŞ-nyň Eýranyň ýadro desgalaryna guran hüjümlerine göni jogap hökmünde garalýar.
Arakçi, çaknyşykda ýetirilen zyýanyň “möhümdigini” we Eýranyň Atom Energiýasy guramasynyň hünärmenleriniň weýrançylygyň derejesini henizem gözden geçirýändigini aýtdy.
Arakçi kompensasiýa meselesiniň häzirki wagtda hökümet üçin ileri tutulýan ugurdygyny aýtdy.