Erdogan 107 ýyl ozal Milli Azat Edijilik söweşiniň başlangyjy bolan 1919-njy ýylda Samsundan başlan garaşsyzlyk ýörüşiniň şu günkü günde güýçli Türkiýäni ugrukdyrýandygyny nygtady.
Prezident Erdogan “Bir tarapda Bandyrma gämisi, edil gapdalynda TJG Anadolu gämisi. Bandyrma gämisi bilen başlan we TJG Anadolu bilen dowam eden bu ugur, Türkiýäniň ýeten sepgidini açyk aýdyň görkezýär. Türkiýäniň kenarlarynda howpsuzlygy üpjün edendigimiz üçin Alla şükür edýäris. Ýerleşýän sebitimiziň krizislere, söweşlere we çaknyşyklara garşy göreşýän döwründe halkymyzy şol howplardan goradyk. Ýurdumyza birnäçe ugur boýunça uly üstünlikler we taryhy ýeňişler gazandyrdyk” diýdi.
“Günorta gündogar we Gündogar Anadoly sebitlerini terrordan sapladyk” diýen Prezident Erdogan, tutuş sebitde asudalygyň we durnuklylygyň ýola goýulmagyny maksat edinýändiklerine ünsi çekdi.
