Liwanyň Saglygy goraýyş ministrligi ýekşenbe güni Ysraýylyň Liwanyň günortasyna guran howa hüjüminde 4 adamyň ýogalandygyny we 2 adamyn ýaralanandygyny mälim etdi. Beýannamada Ysraýylyň ylalaşygy bozandygy nygtaldy.
Resmi Milli habarlar gullugynyň berýän habaryna görä, Ysraýyla degişli uçarmansyz howa ulagy şenbe gijesi Nebatiýa etabyndaky Doha-Kafarman ýolunda barýan bir ulagy nyşana aldy.
Nyşana alynan ulagdaky 4 adamyň ýogalandygy, ýoldan geçip barýan 2 adamyň hem ýaralandygy bellenildi.
Ysraýylyň hüjümi sebäpli ýolyň golaýyndaky onlarça ýaşaýyş jaýynyň aýnasynyň döwlendigi bellenildi.
Ysraýylyň harby goşuny hüjümde Hizbullahly serkerdeleriň nyşana alynandygy öňe sürdi.
Soňky hepdelerde Liwan-Ysraýyl serhedindäki dartgynlyk möjeýär.
Ysraýyl 2024-nji ýylyň noýabr aýynda gazanylan ylalaşyga garamazdan Liwanyň günortasyna howa hüjümini guramaga dowam edýär.
Ysraýylyň Goranmak ministri Katz, X sosial media platformasy arkaly beren habarnamasynda, Liwanyň Prezdidentiniň Hizbullahyň ýaragsyzlandyrylmagy üçin herekte geçmekde gijä galandygyny aýtdy.
Katz “Hizbullah ot bilen oýnaýar” diýdi we topar doly ýaragsyzlandyrylman halatynda hüjümleriň güýçlenmek bilen dowam etjekdigini aýtdy.
Liwan we Hizbullah tarapyndan Katzyň beýannamasy hakynda hiç hili garaýyş beýan edilmedi.
Ysraýylyň harby goşuny Liwana garşy 2023-nji ýylyň oktýabr aýynda başlan we 2024-nji ýylyň sentaýbr aýynda göwrümi giňän hüjümlerinde 4 müňden gowrak adamy öldürdi, 17 müň adamy hem ýaralady.
Ylalaşyga laýyklykda Ysraýylyň harby goşunynyň ýanwar aýynda Liwanyň günortasyndan dolulygyna yza çekilmegine garaşylýardy, emma Ysraýyl diňe bilekleýin sebitden çekildi.
