Ukrainanyň Prezidenti Wladimir Zelenskiý ukrain güýçleriniň Russiýanyň Gara deňiz portunyň Noworossiýsk girelgesiniň golaýyndaky suwlarda iki sany tankere hüjüm edendigini aýtdy.
Zelenskiý ýekşenbe güni Telegramdan beren beýanatynda: “Bu tankerler nebit daşamak üçin işjeň ulanylýardy; olar indi ulanylmaýar” diýip belledi.
Zelenskiý: “Ukrainanyň uzak aralykly mümkinçilikleri deňizde, howada we gury ýerde giňden ösdürilmegini dowam etdirer” diýdi.
Ýerli häkim Aleksandr Drozdenko Telegramdan ukrain dronlarynyň Russiýanyň Baltika deňziniň Primorsk portuna hem hüjüm edip, ýangyna sebäp bolandygyny aýtdy.
Drozdenko Russiýanyň demirgazyk-günbataryndaky Leningrad oblastynyň üstünde bir gije 60-dan gowrak uçarmansyz howa ulagynyň urlup düşürilendigini aýtdy.
Ol esasy nebit eksport merkezi bolan Primorska hüjümden soň nebitiň dökülmeýändigini we ýangynyň söndürilendigini habar berdi.
Russiýanyň dron hüjümlerinde Ukrainada üç adam öldi, Ukrainanyň Moskwanyň golaýynda guran hüjümlerinde bolsa bir adam öldi.
Sebitiň gubernatory Oleg Kiper sosial mediada Russiýanyň möhüm eksport terminallarynyň ýerleşýän günorta Odessa sebitine hüjümlerinde iki adamyň, şol sanda portdaky ýük ulagynyň sürüjisiniň ölendigini ýazdy.
Oleg Kiper: "Duşmanyň dronlary üç ýaşaýyş jaýyna degdi we ýene ikisine zyýan ýetirdi. Port infrastruktura desgalaryna we enjamlaryna hem zyýan ýetdi" diýdi.
