Türkiye Sudana çagyryş berdi: Al-Faşirdäki çaknyşyklar dessine bes edilsin
Ankara şeýle hem howpsuz geçelgeleriň üpjün edilmegini, ynsanperwer kömeginiň üznüksiz ýetirilmegini we bigünä raýatlara hüjümleriň bes edilmegini talap etdi.
Türkiye Sudanyň Al-Faşir şäherinde we töweregindäki sebitlerde duşmançylyklaryň dessine bes edilmegini talap etdi.
Türkiyäniň Daşary işler ministrligi sişenbe güni howpsuz geçelgeleriň üpjün edilmegi, ynsanperwer kömeginiň üznüksiz ýetirilmegi we bigünä raýatlara hüjümleriň bes edilmeği barada çagyryş berdi.
Ankara Sudandaky soňky wakalary çuňňur alada bilen gözegçilik edýändigini we bu mesele boýunça Arap Ligasynyň beýanatlary bilen ylalaşýandygyny mälim etdi. Ministrlik Al-Faşirde asuda ilata garşy edilen rehimsizlikleri ýazgardy. Bu sebit hepdäniň ahyrynda harbylaşdyrylan Tiz goldaw güýçleriniň (RSF) gözegçiligi astyna geçipdi.
Ministrlik Türkiyäniň Sudanyň birligine, territorial bitewüligine we özygtyýarlylygyna berk goldaw berýändigini nygtady we çaknyşyklara parahatçylykly çözgüt tapmak üçin gepleşikleriň möhümdigini nygtady.
Sudan goşuny bilen RSF-iň arasyndaky içerki uruş 2023-nji ýylyň aprel aýyndan bäri dowam edýär. Bu çaknyşykda müňlerçe adam öldi we 14 milliondan gowrak adam başga ýerlere göçürildi.