Ysraýylyň Gaza şäheriniň gündogaryna we Gazanyň demirgazygyna guran hüjümlerinde 3 palestinliniň ýogalandygy, çagalar bilen birlikde 5 adamyň ýaralanandygy nygtaldy.
“Anadoly habarlar” gullygy ýerli çemşelere esaslanýan habarynda Gaza şäheriniň gündogarynda ýerleşýän Şujaiýýe etrabynyň Muştaha köçesine guralan dron hüjümde 3 ýetginjegiň ýogalandyny habar berdi.
Hüjümde ýogalan 3 ýetginjegiň jesedi Gazanyň şäher merkezindäki Al Ahli Arap hassahanasyna getirildi.
Ysraýylyň guran dron hüjüminde 17 ýaşyndaky Mahmud Sahir, 17 ýaşyndaky Ýunus Saed Aýad bilen 20 ýaşyndaky Abdullah Teýsir Şumeriň ýogalandygy ýatladyldy.
Ysraýylyň Gaza şäheriniň gündogarynda ýerleşýän Tuffah etrbyna guran başga bir hüjüminde bolsa 4 palestinli ýaralandy.
Ýaralananlar şäher merkezindäki Al Saraýa meýdanynda ýerleşýän göçme hassahanada bejergi astyna alyndy.
Ysraýylyň Gazanyň demirgazygynda ýerleşýän Jibaliýe etrabyndaky Halawa bosgun düşelgesine guran hüjüminde hem 1 çaga ýaralandy.
Palestinli çeşmeler nyşana alynan ýerleriň Gazada Ysraýylyň howpsuzlyk güýçleriniň gözegçiligi astyndaky zolaklaryň daşynda ýerleşýändigini mälim etdi.
Ysraýyl geçen ýylyň oktýabr aýynda hüjümleriň bes edilmegi boýunça gazanylan ylalaşygy bozmaga dowam edýär.
Ysraýylyň ylalaşygyň güýje girmeginden soň guran hüjümlerinde azyndan 651 palestinli ýogaldy, 1741 adam ýaralandy.
Ysraýyl 2023-nji ýylyň 8-nji oktýabrynda Gaza garşy genosid söweşini başladypdy.
Palestinli resmiler Ysraýylyň Gaza garşy başladan genosid söweşinde 73 müňden gowrak palestinliniň ýogalandygyny, 172 müň adamyň ýaralanandygyny mälim etdi.
Ysraýyl Gazanyň infrastrukturasynyň 90 göterimini hatardan çykdy.
Hünärmenler Gazada ýogalanlaryň sanynyň has köpdügine ünsi çekýär.
