Gazadaky Saglygy goraýyş ministrligi şenbe güni Ysraýylyň Gaza garşy genosid urşunda ölenleriň sanynyň soňky 48 sagadyň dowamynda 9 palestinalynyň ölmeginden soň 73449 adama ýetendigini habar berdi.
Ministrlik gündelik statistika hasabatynda 9 adamyň jesediniň, şeýle hem täze tapylan bir palestinalynyň jesediniň hassahanalara getirilendigini, şol bir wagtyň özünde 18 adamyň ýaralanandygyny mälim etdi.
Ministrlik köp sanda palestinalynyň harabalyklaryň aşagynda we ýollarda galandygyny, şeýle hem tiz kömek we raýat goranyş toparlarynyň olara ýetip bilmeýändigini aýan etdi.
Palestinalylaryň nädip öldürilendikleri ýa-da ýaralanandyklary barada jikme-jiklikler berilmese-de, Ysraýylyň goşuny 2025-nji ýylyň 10-njy oktýabryndan bäri güýje girýän ýaraşyk şertnamasyny bozmagyny dowam etdirýär.
Ministrlik ot açmagy bes etmek baradaky ylalaşygyň güýje girmeginden bäri Ysraýylyň düzgün bozmalary netijesinde ölenleriň sanynyň 1313 adama, ýaralananlaryň sanynyň bolsa 4361 adama ýetendigini mälim etdi.
Ministrlik Ysraýylyň 2023-nji ýylyň 8-nji oktýabryndan bäri Gaza garşy alyp barýan genosid urşunda ölenleriň sanynyň 73449 adama, ýaralananlaryň sanynyň bolsa 174472 adama ýetendigini hem belledi.
Aglabasy aýallardan we çağalardan ybarat bolan bu pidalardan başga-da, Ysraýyl Gazanyň raýat infrastrukturasynyň takmynan 90 göterimini ýok etdi.
Birleşen Milletler Guramasynyň çaklamalaryna görä, sebiti täzeden dikeltmegiň gymmady takmynan 70 milliard dollar boljakdygy çaklanylýar.
