Eýranyň Ynkylap goragçylary goşuny, penşenbe güni ýurduň deňiz güýçleriniň Pars Aýlagynda ABŞ-na degişli nebit tankerine hüjüm edendigini we hüjümiň ABŞ bilen Ysraýylyň Eýrana gyraýan hüjümlerinden soň çaknyşyklaryň has-da möwjemegine sebäp bolandygyny mälim etdi.
Ynkylap goragçylary goşunynyň IRNA habarlar gullugyna beren beýannamasynda, Eýranyň Deňiz güýçleri “Amerikan nebit tankerini üstünlikli ýagdaýda nyşana aldy” diýildi.
Eýran tarapyndan hüjüm hakynda giňişleýin maglumat berilmedi.
ABŞ hem Eýranyň garaýşyna heniz hiç hili jogap bermedi.
Şenbe gününden bäri ABŞ bilen Ysraýylyň Eýrana garşy guraýan bilelikdäki hüjümlerinde häzire çenli 900-den gowrak adam ýogaldy.
Ýogalanlaryň arasynda Eýranyň dini lideri Ali Hamaneý bilen birlikde ýokary çinli harbylar hem bar.
Eýran hem Ysraýyly nyşana almak we ABŞ-nyň sebitdäki harby merkezlerine raketa we dron hüjümlerini guramak bilen gaýtawul görkezýär.
