Axios habarlar saýtynyň berýän habaryna görä, ABŞ-nyň Goranmak ministri Pit Hegset garaşylmadyk ýagdaýda Ysraýyla bardy.
Hegset Ysraýylyň Premýer-ministri Binýamin Netanýahu bilen duşuşdy.
Duşuşyk Waşington bilen Tel-Awiwiň, Eýrana garşy giň gerimli harby hüjümleri gaýtadan başlatmagy meýilleşdirýän döwründe geçirildi.
Habara görä, duşuşyk ABŞ-na degişli tankerleriň we harby uçarlaryň ornaşan ýeri bolan Ysraýylyň günortasynda ýerleşýän Owda howa bazasynda geçirildi.
Hegsetiň harby bazada iş alyp barýan amerikaly esgerler bilen hem duşuşandygy nygtaldy.
Sapar Ysraýylda 27-nji oktýabrda geçiriljek parlament saýlawlarynyň öňüsyrasynda guralmagy taýdan hem ünsleri özüne çekdi.
Pentagon we Ysraýylyň ABŞ-daky ilçihanasy sapar hakynda maglumat bermekden gaça durdy.
Sapar şol bir wagtda ABŞ-nyň Prezidenti Donald Trampyň ýekşenbe güni saýlawlaryň öňüsyrasynda Netanýahuýa goldaw berýändigini beýan etmeginiň yzy ýanyndan guraldy.
