Eýran Amerikanyň Ýakyn Gündogardaky harby merkezlerine garşy raketa hüjümini başlatdy.

ABŞ-nyň Bahreýnde ýerleşýän 5-nji flodyny nyşana alandygyny habar berdi.

Bahreýniň habarlar gullugy şenbe güni Mina Salman deňiz portunda ýerleşýän harby merkeze raketa hüjüminiň guralandygyny habar berdi.

Bahreýniň Milli Kommunikasiýalar merkezinden berlen beýannamada, “5-nji floda raketa hüjümi guraldy”diýildi.

ABŞ-nyň Merkezi güýçler serkerdeligi hüjümler hakynda heniz hiç hili beýannama bermedi.

Eýran Ysraýyla garşy hem balistiki raketa hüjümini gurady.

Ysraýylyň Goranmak ministrligi raketa hüjümiň öňüniň alynandygyny habar berdi.

ABŞ-nyň Ýakyn Gündogardaky harby merkezleri howp astynda

Eýran Ysraýylyň ir ertir Tähran bilen birlikde beýleki şäherlere guran hüjümine jogap hökmünde raketa hüjüminiň guralandygyny habar berdi.

ABŞ-nyň Goranmak ministrligi, amerikan güýçleriniň hüjüme gatnaşandygyny mälim edipdi.

Eýranly resmiler, ýurduna guraljak haýsydyr bir hüjüme garşy ABŞ-nyň goňşy ýurtlardaky harby merkezlerini nyşana aljakdygy barada birnäçe gezek duýduryş beripdi.

Katarly resmiler Eýran tarapyndan guralan iki raketa hüjüminiň öňüniň alynandygyny habar berdi.

Katarda ABŞ-nyň Howa güýçlerine degişli Al Udeýd howa bazasy ýerleşýär. Howa bazasynda 10 müňden gowrak esger iş alyp barýar.

Birleşen Arap Emirlikleriniň paýtagty Abu Dabide hem partlama sesleriniň eşidilendigi nygtaldy. Birleşen Arap Emirlikleri partlamalaryň yzy ýanyndan howa giňişligini ýapdy.

BAE, amerikan güýçleriniň ulanýan strategiýa taýdan esasy orun eýeleýän Al Dafra howa bazasyna ýer eýeçiligini edýär.

Iordaniýanyň paýtagty Ammandaky amerikan harby merkeziniň golaýyna raketa hüjüminiň guralandygy öňe sürüldi.

Kuweýt bilen birlikde amerikan güýçlerine ýer eýeçiligini edýän beýleki aýlag ýurtlary hem halkyna howpsuz ýerlerde galmaklary üçin görkezme berdi.