Gaza zolagynda Ysraýylyň goşunynyň hüjümlerinde zeper ýeten alty gatly binanyň ýumrulmagy netijesinde 9 palestinaly ýogaldy we 14 adam ýaralandy.
Palestinanyň resmi habarlar agentligi WAFA-nyň habaryna görä, Gaza şäheriniň günorta-günbataryndaky Es-Synaa sebitinde ozal Ysraýylyň hüjümlerinde zeper ýeten alty gatly bina çökdi.
Ilkinji kesgitlemelere görä wakada 9 palestinaly öldi, 14 palestinaly ýaralandy.
MASLAHAT BERILÝÄR
Ýerli ýaşaýjylar Ysraýylyň hüjümlerinde zeper ýeten binada 60-dan gowrak adamyň ýaşandygyny habar berdiler.
Gazada öz ýaşaýan ýerlerinden mahrum galan palestinalylar Ysraýylyň hüjümlerinden zyýan çeken binalarada ýaşamaga mejbur bolýarlar.
