Haaretz gazedi tarapyndan berlen habara görä, Ysraýyl geçen hepde gabaw astyndaky Gazada azyndan 10 hassahana we klinika hüjüm gurady. Şol hüjümler saglygy goraýyş hyzmatlarynyň dolulygyna ýa-da bölekleýin durmagyna sebäp boldy we saglygy goraýyş desgalarynyň işlerini kynlaşdyrdy.
Şenbe güni The Israel Daily habar kanaly, Gaza zolagynyň Han Ýunus şäherindäki Ýewropa hassahanasyna garşy guralan hüjümleriň 4-nji maýda harby kabinet tarapyndan tassyklanan we 18-nji maýda başladylan “Gideonyň harby ulaglary” atly operasiýasy diýip atlandyrylan operasiýanyň başlangyjyny alamatlandyrandygyny habar berdi.
Haaretz gazeti Gazadaky saglygy goraýyş ministrliginiň beren maglumatlaryna esaslanyp beren habarynda: “Bu hüjümler Gazanyň çöküp barýan saglygy goraýyş ulgamyna basyşy örän artdyrdy” diýip belledi. Ministrlik 400 müň adamyň indi saglygy goraýyş hyzmatlaryndan peýdalanyp bilmeýändigini mälim etdi.
Bütindünýä Saglygy goraýyş guramasy geçen hepde Gazadaky hassahanalara garşy 28 aýry hüjümiň guralandygyny tassyklady. Bu görkeziji genosidiň başlan wagtyndan bäri hassahanalara garşy guralan ähli hüjümleriň 4 göterimini emele getirýär.
BSSG: "Gazadaky harby hüjüm saglyk ulgamynyň çökmegine sebäp bolýar" diýip duýduryş berdi we keselhanalaryň 94 göterimine agyr zeper ýetendigini ýa-da düýbünden ýok edilendigini aýtdy.
BSGG Gazadaky 36 hassahananyň diňe 19-synyň kem-käsleýin işleýändigini belläp: "Hassahanalar hiç haçan harby maksatlar üçin ulanylmaly däldir ýa-da nyşana alynmaly däldir" diýip belledi.
