Rakkada ÝPG tarapyndan zamun alynan 126 çaga boşadyldy

Siriýanyň howpsuzlyk güýçleri Rakka welaýatynda terror guramasy ÝPG-niň gözegçiligi astyndaky tussaghanada saklanýan 18 ýaşyndan kiçi 126 çaganyň boşadylandygyny habar berdi.

Siriýanyň Alikhbaria teleýaýlymy 126 çaganyň boşadylandygyny habar berdi.

Howpsuzlyk güýçlerine esaslanylýan habarda “Içerki howpsuzlyk güýçleri Rakkada Al Agtan tussaghanasyndan 18 ýaşyndan kiçi 126 tussaglyny boşatdy”diýildi.

Maglumatlar ministri Hamza al-Mustafa, X sosial media platformasy arkaly beren habarnamasynda, Siriýanyň SANA habar gullugynda boşadylanlaryň wideo-ýazgylaryna ýer berlendigini nygtady.

Al-Mustafa “Boşadylan çagalar diňe tussagly däl, olar zamun alynan perzentler. Olar birnäçe wagtyny mekdeplerde we oýun meýdanlarynda däl eýsem tussaghanalarda geçirdi”diýdi.

Beýleki tarapdan Siriýanyň harby goşuny 18-nji ýanwarda gazanylan ylalaşygyň birinji tapgyrynyň çäginde ÝPG terrorçylarynyň Rakkada Al Agtan tussaghanasyndan we Halabyň gündogaryndaky Aýn al-Arab şäherine tarap gidendigini habar berdi.