Müsür Birleşen Milletler Guranasynyň (BMG) Howpsuzlyk geňeşini Gazada halkara parahatçylyk missiýasyny tassyklamak üçin gyssagly hereket etmäge çagyrdy we bu meselede giža galmaklygyň ABŞ tarapyndan goldanýan parahatçylyk meýilnamasyny howp salyp biljekdigini duýdurdy.
Müsüriň Daşary işler ministri Badr Abdelatty duşenbe güni Birleşen Arap Emirlikleriniň “The National” gazetine beren beýanatynda Kairiň uruşdan ejir çeken sebitiň dikeldilmegini utgaşdyrmak we kömek bermek üçin halkara durnuklaşdyryş güýçleriniň hem-de "Parahatçylyk Geňeşiniň" döredilmegini goldaýandygyny aýtdy.
Bu teklip, ABŞ-nyň Prezidenti Donald Tramp tarapyndan öňe sürlen başlangyjyň bir bölegi bolup, 10-njy oktýabrda ok atyşygyň bes edilmeginden soň, tapgyrlaýyn prosesi göz öňünde tutýar. Onuň düzümine Palestiniň söweşjeň topary Hamasyň ýaragsyzlandyrylmagy we köpmilletli güýçleriň ýerleşdirilmegi hem degişli bolup durýar.
Abdelatty Gazanyň Palestin dolanşygynyň gözegçiliginde galmalydygyny nygtap, BMG-niň kararynyň "kanunylyk" gazandyrmak we parahatçylygy goraýjy güýçleriň borjuny kesgitlemek üçin zerurdygyny beyan etdi.
"Missiýa parahatçylygy saklamaga borçly bolmaly, parahatçylygy mejbury ýola ýagdaýda ýola goýmak üçin däl" diýip, Abdelatty aýtdy. Şeýle hem, halkara durnuklaşdyryş güýçleriniň we "Parahatçylyk Geňeşiniň" agzalarynyň —ozalky Iňlis Premýer-ministri Toni Bleýr ýaly şahsyýetleri öz içine almagyna garaşylýandygyny, olaryň polis, dolandyryş we halkara kömeginiň ýetirilmegi bilen baglanyşykly meselelerde ýardam berjekdigini aýtdy.
ABŞ bolsa sebitde durnuksyzlyk ähtinallygyna alada bildirýär. ABŞ-nyň Prezidentiniň orunbasary JD Wansyň Ysraýyla eden soňky sapary Netanyahuň ylalaşygy bozup, urşy gaýtadan başlatma ähtimallygy sebäpli guraldy.
