Kremliň metbugat sekretary Dmtriý Peskow, Russiýanyň Prezidenti Wladimir Putiniň şu gün agşam amerikaly kärdeşi Donald Tramp bilen telefon arkaly söhbetdeşlik geçirjekdigini mälim etdi.

Moskwada metbugata beýannama beren Peskow, telefon söhbetdeşliginiň Moskwa wagty bilen sagat 17.00-da geçiriljekdigini belledi.

Peskowa görä, iki lider telefon söhbetdeşliginde geçen hepde Stambul şäherinde geçirlen Russiýa-Ukraina gepleşikleriniň netijesi hakynda pikir alyşar.

Telefon söhbetdeşliginiň möhümdigini nygtan Peskow, liderleriň iki ýurduň arasyndaky geljekde gepleşikleri hem ara alyp maslahatlaşjakdygyny belledi.