Türkiýe geljek hepde paýtagt Ankarada geçiriljek NATO-nyň liderler sammitiniň çäginde ýurduň goranyş ulgamyny bir merkezde jemlemek üçin niýetlenen döwrebap harby merkezi, merkezi Aý-ýyldyz ştabyny tanyşdyrar.

Merkezi Aý-ýyldyz ştabynyň gurluşygyna 2021-nji ýylyň 30-njy awgustynda Prezident R. T. Erdoganyň gatnaşmagynda badalga berlipdi.

Merkeziň gurluşyk işleriniň esasy bölegi tamamlandy.

Merkezi Aý-ýyldyz ştaby, Türkiýäniň ýaragly güýçleriniň ähli dolanşygyny bir merkezde birleşdirer.

Milli Goranmak ministrligi, Baş ştab bilen Gury ýer, Deňiz we Howa güýçleri serkerdelikleri bir ýere jemlener we şol bir wagtda bilelikdäki operasiýalaryň geçirilmegine uly goşant goşar.

Türkiýäniň baýdagyndaky aý-ýyldyzdan ylham alýan merkez, özüne mahsus gurluşy, akylly bina konsepti, ekalogiýa taýdan oňaýly gurluşy we döwrebap tehnaloniýalary bilen Türk ýaragly güýçleriniň güýjüne güýç goşmak üçin dizaýn edildi.

Kiber howplardan we ballistiki goragdan başlap, himiki, biologiki, radiologiki we ýadro howplaryna garşy täze tehnalogiýalar bilen enjamlaşdyrlan bu taslamanyň dünýäniň esasy harby merkezlerinden birine öwrülmegine garaşylýar. Onuň howpsuzlyk arhitekturasy “Polat gümmez” konsepti bilen utgaşykly ýagdaýda has-da güýçlendirildi.

Strategik merkez

Merkezi Aý-ýyldyz ştaby, Milli Goranmak ministrligi bilen Türk Ýaragly güýçleriniň bilelikdäki operasiýa ukybyny artdyrar we “Türkiýe asyry” maksadynyň çäginde Türkiýäniň goranyş pudagy taýdan strategik merkez hökmünde hyzmat eder.

Merkez iýul aýynyň 7-8-i aralygynda paýtagt Ankarada geçiriljek NATO-nyň liderler sammitiniň çäginde ilkinji resmi çärä ýer eýeçiligini eder.

Sammitiň çäginde myhman ýurtlaryň Goranmak ministrleriniň we NATO-nyň ýokary derejeli ýolbaşçylarynyň hormatyna merkezde banket berler.

Bankediň merkeziň “Ýyldyz” bölüminde geçirilmegi meýilleşdirilýär.