Demirgazyk Kipr Türk Respublikasynyň hökümeti, Amerikada ýaşaýan türk alymy, Nobel baýragynyň eýesi Aziz Sanjaryň DKTR-nyň raýatlygyna kabul edilendigini mälim etdi.
Resmi gazetde çap edilen kararda, Aziz Sanjaryň ylmy, medeni we tehnalogiýa taýdan ýurduň galkynyşyna goşant goşjakdygy we DKTR-nyň halkara derejesinde ykrar edilmegine goldaw berjekdigi nygtaldy.
Ýygy-ýygydan ada barýan Sanjar, Ýakyn Gündogar uniwersitetiniň Sintetiki biologiýa we tehnalogiýa merkeziniň ylmy toparynyň hatarynda ýer alýar we uzak ýyllardan bäri DKTR-nyň ykrar edilmegine goldaw berýär.
“DKTR ykrar edilmeli”
Aziz Sanjar, 2022-nji ýylda Prezident R. T. Erdoganyň BMG-nyň Baş Assambleýasynda eden çykyşynda DKTR-nyň ykrar edilmegi boýunça beren çagyryşynyň yzy ýanyndan sosial media arkaly ýüzünde “DKTR ykrar edilmeli” diýlip ýazylan eşigi bilen düşürlen foto suratyny paýlaşdy.
Sanjaryň ada bilen baglanşygy, DKTR-nyň Prezidenti Ersin Tatar bilen edýän gatnaşygy we Prezidentiň Saglyk işleri boýunça kömekçisi Prof. Nedime Serakynjy bilen hyzmatdaşlygy netijesinde has- da güýçlendi.
Sanjar DNA abatlaýyş işleri baradaky ylmy işi bilen 2015-nji ýylda Nobel Himiýa baýragyny aldy.
Onuň ylmy işi öýjükleriň ýagtylyk we toksinler ýaly faktorlar sebäpli zeper ýetirlen DNA-nyň nähili bejerilýändigini görkezdi we rak keseliniň bejergisinde, genetiki barlaglarda hem-de şahsylaşdyrlan lukmançylyk ugurlarynda uly öňe gidişlige sebäp boldy.
Aziz Sanjar, 2022-nji ýylda Prezident R. T. Erdoganyň BMG-nyň Baş Assambleýasynda eden çykyşynda DKTR-nyň ykrar edilmegi boýunça beren çagyryşynyň yzy ýanyndan sosial media arkaly ýüzünde “DKTR ykrar edilmeli” diýlip ýazylan eşigi bilen düşürlen foto suratyny paýlaşdy.
