Kreml Russiýa-Ukraina söweşiniň bes edilmegi üçin uly tagalla edýän Türkiýä minnetdarlyk bildirdi.

Kremliň metbugat sekretary Dmitriý Peskow sişenbe güni metbugata beren beýannamasynda “Türkiýe uly tagalla etmäge dowam edýär we edýän tagallasy üçin türk dostlarymyza minnetdarlyk bildirýäris. Moskwa gepleşik etabynyň dowam etdirilmegi üçin amatly şert döretmäge taýar”diýdi.

Peskowyň Türkiýäniň Prezidenti R. T. Erdogan bilen Russiýanyň Prezidenti Wladimir Putiniň duşenbe güni geçiren telefon söhbetdeşliginden bir gün soň beren beýannamasy ünsleri özüne çekdi.

Erdogan bilen Putin telefon söhbetdeşliginde 3,5 ýyldan gowrak wagt bäri dowam edýän söweş bilen birlikde sebitara we halkara meseleler boýunça pikir alyşypdy.

Prezident Erdogan telefon söhbetdeşliginde Ankaranyň, Russiýa-Ukraina söweşiniň adalatly we yzygiderli ýagdaýda çözülmegi üçin tagalla etmäge dowam etjekdigini aýtdy.

Prezidentiň ýanyndaky Kommunikasiýalar edarasyndan berlen beýannama görä, Erdogan Ankaranyň çaknyşýan taraplaryň arasynda gönüden gepleşikleriň geçirilmegi we yzygiderli parahatçylygyň ýola goýulmagy üçin amatly şert döretmäge taýardygyna ünsi çekdi.

Türkiýe Russiýa-Ukraina söweşiniň başlan gününden bäri Moskwa bilen Kiýewiň arasynda geçirlen birnäçe duşuşyga ýer eýeçiligini etdi.

Stambul şäherinde geçirlen gepleşikler ýesir çalşygynda uly rol oýnady we gelejekdäki parahatçylyk şertnamasy üçin taraplaryň degişli pozisiýalaryny beýan edýän taslama tesktlerini hödürlemegini ýola goýdy.