Hakan Fidan Kataryň we Azerbaýjanyň Daşary işler ministri bilen telefon arkaly söhbetdeşlik geçirdi

Diplomatik çeşmeler Daşary işler ministri Hakan Fidanyň anna güni Kataryň Daşary işler ministri we Wise-premýer Muhammed bin Abdurrahman Al Sani we Azerbaýjanyň Daşary işler ministri Jeýhun Baýramow bilen telefon arkaly söhbetdeşlik geçirendigini habar berdi.

Daşary işler ministri Hakan Fidan azerbaýjanly we katarly kärdeşleri bilen sebitara meseleler hakynda pikir alyşdy.

Azerbaýjanyň we Kataryň Daşary işler ministri Türkiýä atylan raketalara garşydyklaryny mälim etdi.

Milli Goranmak ministrligiden berlen beýannamada, Eýrandan atylan ballistiki raketanyň Gündogar Ortaýer deňizindäki NATO-nyň howa goranyş ulgamlary tarapyndan hatardan çykarlandygy nygtaldy.

Bu ABŞ bilen Ysraýylyň Eýrana garşy guraýan bilelikdäki hüjümleriniň başlan gününden bäri Türkiýäniň howa giňişligine atylan üçünji raketa boldy.

Ysraýyl bilen ABŞ 28-nji fewralda Eýrana garşy bilelikdäki hüjüme başlapdy.

Şol günden bäri dowam edýän hüjümlerde Eýranyň dini lideri Ali Hamenei bilen birlikde 1300 adam ýogaldy.

Tähran hem ar almak üçin ABŞ-nyň Aýlag ýurtlaryndaky harby merkezlerine raketa we dron hüjümlerini gurady.