Günorta gündogar Aziýa ýurtlary bileleşigi ASEAN-a agza ýurtlaryň daşary işler ministrleri geosyýasy dartgynlyklara we dowam edýän çaknyşyklara garşy jebislikde hereket edilmegi üçin çagyryş etdi.
ASEAN-a agza ýurtlaryň Daşary işler ministrleriniň 59-njy maslahatynyň açylyş dabarasynda çykyş eden Filippiniň Daşary işler ministri Ma. Teresa Lazaro, gurama agza ýurtlara dartgynlyklara we näbelliliklere garşy jebislikde hereket edilmegi üçin çagyryş etdi.
Filippiniň döwürleýin ýolbaşçylygy döwründe geçirilýän maslahatda guramanyň “Geljegimizi Birlikde gurýarys” şygaryna ünsi çeken Lazaro, bileleşigiň daşarky basyşlara garşy birlikde hereket etmeginiň möhümdigini nygtady.
Sebitara howpsuzlyk meselesi birnäçe gün dowam etjek maslahatyň gün tertibinde esasy orun eýeleýär.
Şol çäkde ASEAN-yň Mýanmadaky parahatçylyk gepleşiklerini gaýtadan başlatmagy we Hytaý bilen dowam edýän gepleşikler meselesi ara alnyp maslahatlaşylar.
