Türkiýäniň we Kataryň Goranmak ministri Ýakyn Gündogaryň howpsuzlygy hakynda pikir alyşdy
Türkiýäniň we Kataryň Goranmak ministri ABŞ bilen Ysraýylyň Eýrana guraýan hüjümleri hakynda pikir alyşdy.
Türkiýäniň Milli Goranmak ministri Ýaşar Güler, Kataryň Goranmak ministri we Wise-premýeri Şyh Saud bin Abdurahman bin Hasan bin Ali Al Sani bilen telefon arkaly söhbetdeşlik geçirdi.
Türkiýäniň Milli Goranmak ministrliginden sişenbe güni berlen beýannamada “Kärdeşler telefon söhbetdeşliginde özara gatnaşyklar we sebitara howpsuzlyk meselesi hakynda pikir alyşdy” diýildi.
Türkiýäniň we Kataryň Goranmak ministri ABŞ bilen Ysraýylyň Eýrana guraýan hüjümleri sebäpli sebitara dartgynlygyň başdan geçirilýän günlerinde telefon arkaly söhbetdeşlik geçirdi.
Ysraýyl bilen ABŞ 28-nji fewralda Eýrana garşy hüjüm başlatdy. ABŞ bilen Ysraýylyň Eýrana guraýan bilelikdäki hüjümleri sebäpli häzire çenli dini lideri Ali Hamenei bilen birlikde 1300 adam ýogaldy.
Eýran Ysraýyla we ABŞ-nyň harby merkezlerine ýer eýeçiligini edýän Aýlag ýurtlaryna dron we raketa hüjümlerini guramak bilen garşylyk görkezýär.
Eýran 1-nji martda Hormuz bogazyny dolulygyna ýapdy. Strategiýa taýdan esasy orun eýeleýän bu suw ýoly arkaly günde ortaça 20 million barrel nebit daşalýar.