Ministrlikden berlen beýannamada Russiýanyň ýaragly güýçleriniň Ukraina guran harby operasiýalary barada maglumat berilýär.
Beýannamada Russiýanyň goşunynyň gije Kiýew şäherindäki we Kiýew sebitindäki ulag, logistika hem-de üpjünçilik merkezlerine giň gerimli hüjüm gurandygy mälim edildi.
Hüjümlerde uçarmansyz howa enjamlary (UHE) üçin şaýlaryň, robot ulgamlarynyň we elektron söweş enjamlarynyň saklanýan hem-de üpjün edilýän "MLP-Çaýka", "Trans-Logistik" we "Epitsentr" logistika merkezleriniň, şeýle hem "Nowa Poçta" terminalynyň nyşana alnandygy mälim edildi.
Beýannamada Kiýew sebitinde UHE-nyň şaýlarynyň saklanýan we ugradylýan "Terminal Browary", "Raben Ukraina" we "Browary" atly logistika merkezleriniň hem nyşana alnandygy bellenildi.
Şeýle hem Odessanyň günortasynda deňizde harby ýük daşaýan üç sany ýük gämisiniň hem nyşana alnandygy, hüjümlerde ýerüsti ýokary takyklykly ýaraglaryň we uzak aralyga uçýan uçarmansyz howa enjamlarynyň ulanylandygy beýan edildi.
