Türkiýe Respublikasynyň Daşary işler ministri Hakan Fidan Hamasyň Şura geňeşiniň başlygy Muhammed İsmail Derwişe Ysraýylyň Gazadaky palestinlileri sürgün etmek we basyp alyşlyk astyndaky Günbatar Şeriany anneksirlemek meýilnamasynyň kabul edilmesizdigini aýtdy.

Daşary işler ministrliginden berlen beýannama görä, Fidan anna güni Stambul şäherinde Derwişiň ýolbaşçylygyndaky Hamasyň resmi wekiliýeti bilen duşuşdy.

Hamasly wekiliýet duşuşykda Gaza berlen ynsanperwer kömeginiň ýeterlik bolmandygyny nygtady we Ysraýylyň ýaraşyk gepleşiklerindäki ylalaşyksyz tutumyny tankyt etdi.

Ysraýylyň Gazanyň halkyny açlyga mahrum etmek bilen genosid syýasatyny alyp barmaga dowam edýändigini aýdan Fidan, bu tutumyň Netanýahunyň hökümetiniň ylalaşyk islemeýändigini açyk aýdyň görkezýändigini nygtady.

Türkiýäniň gepleşikleriň dowam etmegine goldaw berýändigini aýdan Fidan, halkara jemgyýetçilinde Palestine berilýän goldawyň gün saýyn artýandygyny ýatlatdy.

Halkara basyşlar sebäpli ýene-de birnäçe ýurduň Palestin döwletini ykrar etmegi meýilleşdirýändigini aýdan Fidan, Ysraýylyň bolsa halkara derejesinde çetleşdirilýändigini ýatlatdy.

Daşary işler ministri Fidan, Türkiýäniň Palestine güýçli goldaw bermäge dowam etjekdigini ýene-de bir gezek nygtady.

Atyşygyň bes edilmegi üçin berilýän çagyryşlary ret eden Ysraýylyň harby goşuny 2023-nji ýylyň 7-nji oktýabryndan bäri Gaza guraýan wagşyçylykly hüjümlerini dowam etdirýär.

Hüjümlerde esasy bölegi zenanlardan we çagalardan ybarat 60 müňden gowrak palestinli ýogaldy.

Hüjümler sebäpli Gaza ýer bilen ýegsan edildi. Hüjümler azyk krizisine sebäp boldy.