Nigeriýanyň demirgazyk-günbataryndaky Zamfara welaýatynda bir oba guralan hüjümde azyndan 50 adam öldi we köp sanda zenan we çaga ogurlandy.

Ýerli ilatyň "garakçylar" diýip atlandyrýan terrorçylar tarapyndan amala aşyrylan hüjümler penşenbe güni agşam başlap, anna güni irdene çenli dowam etdi. Motosikl münen hüjümçiler Tungan Dutse obasynda gaçmaga synanyşýan raýatlara ot açyp, jaýlary otladylar. Zamfara welaýatynyň mejlisiniň agzasy Hamisu Faru şenbe güni "Anadoly" habarlar agentligine beren beýanatynda wakany tassyklady.

Faru: "Penşenbe güni gijeden başlap şu gün irden çenli hiç kim ýatmady. Käbir adamlar maşgala agzalarynyň üçüsinden mahrum galdylar" diýdi.

Ýogalan adamlaryň jesetleri ak kepene bürelip, şenbe güni köpçülikleýin jaýlanmak üçin taýýarlanyldy. Ýerli ýolbaşçylar ýitenleriň kimdigini anyklamaga synanyşýarka, ogurlananlaryň sany henizem belli däl.