Güýçli ýagyş onlarça öýüň gömülmegine, 64 adamyň ölmegine sebäp bolan ýer süýşmesi halas ediş işlerini bökdeýär.oneziýada ýer süýşmesinde ölenleriň sany 64 adama ýetdi
Geçen hepde Indoneziýada bolan ýer süýşmesinde ölenleriň sany 64 adama ýetdi. Günbatar Ýawada gözleg we halas ediş işleri sekiz günden bäri dowam edýär. 16 adam henize çenli tapylmady.
Şenbe güni ýene dört jeset tapyldy, bu bolsa tassyklanan adam pidalarynyň sanyny 64-e ýetirdi; Bandung gözleg we halas ediş gullugynyň ýolbaşçysy Ade Dian Permana takmynan 16 adamyň dereksiz ýitendigini aýtdy.
Ol gözleg işleriniň sekiz günden bäri dowam edýändigini we gözleg işlerine takmynan 3675 gollukçynyň gatnaşýändygyny sözlerinin üstüne goşdy.
Häzirki wagta çenli 49 jesedin şahsyyeti anyklandy we hossarlaryna gowşuryldy; 75 adam bolsa halas edildi.
Öýler palçygyň we harabalyklaryň aşagynda galdy
Deňiz güýçleri sişenbe güni serhet gözegçiligi boýunça okuw-seminarynyň geçirilýän mahalynda ýigrimi üç esgeriň ölendigini habar berdi. Güýçli ýagan ýagyş sebäpli 24-nji ýanwarda Bandung Baratdaky Pasir Langu obasynda bolan ýer süýşmesi bolupdy. Onlarça öýüň palçygyň we harabalyklaryň aşagynda galmagyna sebäp bolan ýer süýşmesi geçen ýylyň ahyrynda Sumatra adasynda siklon sebäpli gelen sil we ýer süýşmelerinden soň bolupdy; şol wakalar sebäpli 1200 adam ölüpdi we bir milliondan gowrak adam başga ýerlere göçürilipdi. “Basarnas” gözleg we halas ediş gullugy adatdan daşary ýagdaýlara jogap bermek möhletini ýedi gün, ýagny 6-njy fewrala çenli uzaltdy. Barylmagy kyn bolan ýerlerde gözleg we halas ediş işleri dowam edýär. Parlament topary çarşenbe güni halas ediş gullugynyň ýüzbe-ýüz bolýan betbagtçylyklarynyň sany baradaky aladalara garamazdan, “Basarnas” üçin maliye üpjünçiligini bes etdi.
