ABŞ-nyň prezidenti Donald Tramp şu hepde Aziýa uly sapar guramaga taýýarlanýar. Trampyň global ykdysadyýet tarapyndan uly ähmiýete eýe bolan Hytaýyň Döwlet baştutany Si Szinpin bilen geçirmegine garaşylýan duşyşygy ähli taraplaryň üns merkezinde.
Tramp çarşenbe güni beren beýanatynda, Malaýziýa, Ýaponiýa we Günorta Koreýa döwletlerini öz içine aljak uly bir syýahata çykjakdygyny habar berdi. Bu Trampyň Ak Tama gaýdyp barmagyndan bäri nyrhlar we geosyýasy dartgynlyklar bilen şekillenen ilkinji Aziýa sapary bolar.
Saparyň jikme-jiklikleri entek näbelli bolmagynda galýar. Ak Tam sapar bilen bagly az maglumat berdi we Trampyň Si bilen Günorta Koreýada meýilleşdirýän duşuşygynyň dowam edýän dartgynlylyk sebäpli belkem "bolup bilmejekdigini" duýdurdy.
Muňa garamazdan, Tramp dünýäniň iň uly iki ykdysadyýetiniň arasyndaky weýrançylykly söwda urşuny bes etmek we Hytaý bilen "gowy şertnama" baglaşmak isleýändigini aýtdy.
Ýer eýeleri, 79 ýaşly lideriň göwnünden turmak we nyrhlar we howpsuzlyk kömegi boýunça iň oňat şertnamalary baglaşmak üçin gyzyl haly ýazmaga taýýarlanýar.
