Milli Howpsuzlyk gullugynyň terror guramasy DEAŞ-a garşy geçiren operasiýasynda guramanyň Türkiýeden jogapkär ýolbaşçysydygy aýdylýan we sary býulten bilen gözlenýän “Abdüsselam Türki” lakamly Talip Güler tussag edildi we Türkiýä getirildi.
Howpsuzlyk güýçleriniň berýän maglumatyna görä, Milli Howpsuzlyk gullugy terror guramasy DEAŞ-yň “Faruk ofisi” hökmünde bilinýän Türkiýedäki agzalaryna garşy operasiýa geçirdi.
Gelip gowşan maglumatlara laýyklykda “Abdüsselam Türki” lakamly Talip Güleriň 2021-nji ýyldan öň DEAŞ-yň “Türkiýe welaýatyndan jogapkär ýolbaşçysydygy” anyklandy.
Talip Güleriň “Faruk ofisiniň” maliýe işlerinden jogapkar ýolbaşçysydygy we 2021-nji ýylda geçirlen operasiýada Türkiýä getirlen Kasym Güleriň doganydygy anyklandy.
Talip Güleriň 2014-nji ýylyň ýanwar aýynda bikanun ýollardan Siriýa geçendigi nygtaldy.
Talip Güleriň Siriýadaky aksiýalaryny agasy Kasym Güleriň başda durmagynda guramanyň ýolbaşçylary bilen birlikde alyp barandygy anyklandy.
Milli Howpsuzlyk gullugy terror guramasy DEAŞ-yň “Türkiýe welaýatyndan jogapkär ýolbaşçysydygy” aýdylýan Kasym Güleriň tussag edilmeginden soň dogany Talip Güleriň hem tussag edilmegi üçin işe girişdi.
Siriýada tussag edilenden soň Türkiýä getirlen Talip Güler beren düşündürişinde guramanyň adyndan iş alyp barandygyny boýun aldy.
Talip Güler bikanun ýollardan Siriýa geçendigini we DEAŞ-iň hatarynda iş alyp barandygyny giňişleýin gürrüň berdi.
