ABŞ-nyň Döwlet sekretarlygy hünärmenleriniň howpsuzlygy sebäpli Pakistanyň Peşawer şäherindäki başkonsullygynyň tapgyrlaýyn ýagdaýda ýapyljakdygyny mälim etdi.
ABŞ Pakistanyň Peşawer şäherindäki başkonsullygyny howpsuzlyk sebäpli ýapjakdygyny habar berdi.
ABŞ-nyň Döwlet sekretarlygyndan berlen beýannamada, Pakistanyň Owganystan serhedinde ýerleşýän Haýber Pahtunhwa sebitindäki Peşawer başkonsullugynyň hünärmenleriniň howpsuzlygy sebäpli tapgyrlaýyn ýagdaýda ýapyljakdygy, sebitdäki diplomatik gatnaşyklaryň paýtagt Yslamabatdaky ABŞ-nyň ilçihanasy tarapyndan alnyp baryljakdygy nygtaldy.
Beýannamada ABŞ-nyň Pakistan bilen edýän gatnaşyklaryna uly ähmiýet berýändigi, diplomatik gatnaşyklaryň Yslamabatdaky, Karaçidäki we Lahordaky wekilhanalary arkaly dowam etdiriljekdigi ýatladyldy.
