Türkiýe Respublikasynyň Prezidenti R. T. Erdogan, ABŞ-nyň Prezidenti Donald Tramp bilen bolan duşuşygyndan soň Ak Tamdan gaýtdy.
Penşenbe güni Owal ofisde bolan duşuşyk we duşyşykdan soňky iş nahary, NATO-nyň iki ýarany üçin ynjyk döwre gabat geldi.
Tramp, Erdogan bilen goranyş pudagy, esasan Türkiýäniň ABŞ-da öndürlen F16 we F-35 harby uçaryny satyn almagy meselesi boýunça giň gerimli gepleşikleriň geçiriljekdigini nygtady.
Prezident Erdogan, Nýu-Ýorkda BMG-nyň Baş Assambleýasynyň çäginde möhüm oturluşyklara gatnaşdy.
Prezident Erdogan ABŞ-na guran iş saparynyň çäginde dünýä liderleri bilen ýokary derejeli özara duşuşyklar geçirdi.
Duşuşyklarda Palestin, sebitara howpsuzlyk, ykdysady hyzmatdaşlyk we Türkiýäniň halkara meselelerdäki roly seljerildi.
Wýetnam
Prezident R. T. Erdogan, Wýetnamyň Prezidenti Luong Kuong bilen Nýu-Ýorkdaky Türköýünde duşuşdy.
Duşuşykda özara gatnaşyklar bilen sebitara meseleler ara alnyp maslahatlaşyldy.
Erdogan iki ýurduň arasyndaky gatnaşyklaryň ösdürilmelidigini we özara söwda mukdarynyň artdyrylmalydygyny nygtady.
Iki ýurduň arasynda sebitara we halkara platformalarda edilýän hyzmatdaşlygy ösdürmek isleýändiklerini nygtan Erdogan, Wýetnamyň Palestin meselesinde taryhyň dogry tarapynda ýer alýandygyny belledi.
BMG-nyň Howa sammiti
Prezident R. T. Erdogan Türkiýäniň 2025-nji ýylda gaýtadan dikeldilýän energiýanyň paýynyň 60 göterimden geçendigini aýtdy.
Erdogan, Nýu-Ýorkda geçirlen BMG-nyň Howa sammitinde eden çykyşynda Türkiýäniň 2035-nji ýyla çenli zyňyndylaryny 466 million tonna azaltmagy we umymy zyňyndylary 643 million tonna çenli aşaklatmagy maksat edinýändigini belledi.
Erdogan “2053-nji ýyla çenli bolan döwür üçin 0 zyňyndy derejesine ýetmegi maksat edinýäris”diýdi.
Fransiýa
Türkiýe Respublikasynyň Prezidenti R. T. Erdogan, Nýu-Ýorkda BMG-nyň Baş Assambleýasynyň çäginde Fransiýanyň Prezidenti Emmanuel Makron bilen hem duşuşdy.
Duşuşykda Türkiýe bilen Fransiýanyň arasyndaky özara gatnaşyklar bilen sebitara we halkara meseleler seljerildi.
Türkiýäniň Fransiýa bilen esasan söwda, energetika we goranyş senagaty ýaly ugurlarda edilýän hyzmatdaşlygy ösdürmek isleýändiklerini ýatlatdy.
