BMG-nyň Baş sekretary Antoniu Guterreşiň Russiýanyň paýtagty Kiýew bilen birlikde Ukrainanyň beýleki şäherlerine guran howa hüjümlerini berk ýazgarýandygy nygtaldy.
BMG-nyň Baş sekretarynyň metbugat geňeşçisi Steffan Dužarriç, Nýu-Ýorkda metbugata beren beýannamasynda, Ýakyn Gündogarda başdan geçirilýän soňky wakalar hakynda durup geçdi.
Paýtagt Kiýew bilen birlikde Ukrainanyň beýleki şäherine guralan dron we raketa hüjümleri hakynda maglumat beren Dužarriç “Ilatly ýerlere guralýan hüjümlere alada bildirýäris” diýdi.
Dužarriç “Baş sekretar, Russiýanyň ýaragly güýçleriniň paýtagt Kiýewe we Ukrainanyň beýleki şäherlerine guran raketa we dron hüjümlerini berk ýazgarýar” diýip belledi.
Dužarriç hüjümleriň asuda ilatdan onlarça adamyň ýogalmagyna we ýaralanmasyna sebäp bolandygyny we infrastruktura uly zeper ýetirendigini nygtady.
Dužarriç BMG-nyň Baş sekretarynyň taraplara hüjümleriň gyssagly we şertsiz bes edilmegi üçin çagyryş edendigini ýatlatdy.
Ukrainanyň Prezidenti Wolodimir Zelenskiý düýn ir ertir beren beýannamasynda, paýtagt Kiýewe guralan hüjümde 12 adamyň ýogalandygyny, 40 adamyň ýaralanandygyny mälim edipdi.
Kiýewiň şäher häkimi Witaliý Kliçko bolsa rus goşunynyň hüjümleri sebäpli paýtagtda 21-nji awgustyň milli ýas güni hökmünde yglan edilendigini aýan edipdi.
