Prezidentiň ýanyndaky Kommunikasiýalar edarasynyň başlygy Burhanettin Duran, Ysraýylyň Gaza guraýan hüjümleriniň ikinji ýylynda hüjümlerde ýogalan 67 müňden gowrak adamy hatyralady.

Burhanettin Duran sişenbe güni beren beýannamasynda, Ysraýylyň Gazadaky hüjümlerini sistematik genosid hökmünde häsiýetlendirdi.

Duran türk sosial media platformasy NSosial arkaly beren habarnamasynda, ýagdaýyň “diňe palestin halkynyň pajygasy däl eýsem halkara ulgamyň we hukugyň hökümrowanlygyny we adamkärçilik gymmatlyklaryny sorag astyna alýan utanç ýazgysy bolup durýandygyny belledi.

Duran Ysraýylyň 2023-nji ýylyň 7-nji oktýabrynda Gaza garşy başladan hüjümleriniň we genosidiň iki ýyldan bäri dowam edýändigini ýatlatdy.

Burhanettin Duran “Bombaly hüjümler, gabaw we sistematik ýykylşyk asuda ilatdan onmüňlerçe adamyň, zenanyň we çagalaryň ýogalmagyna sebäp boldy. Dünýäniň gözüniň öňünde gazanyň halky ýaşaýan topraklaryndan, esasy adam hukuklarynda mahrum edildi. Gazada başdan geçirilýänler çaknyşyk däl eýsem sistematik genosid we basyp alyşlykdyr” diýdi.

Türkiýäniň başyndan bäri adalata goldaw berýändigini nygtan Duran, “Jenap Prezidentimiz R. T. Erdoganyň ýolbaşçylygynda Türkiýe ähli taraplaýyn palestin halkyna goldaw bermäge dowam edýär. Türkiýe palestinlileriň sesi bolmaga dowam eder” diýip belledi.

Duran habarnamasynda sebitde başdan geçirilýän gumanitar krizisi gürrüň berýän “Gutarnyksyz genosid: Gaza” temaly wideo ýazga hem ýer berdi.