BMG-nyň alty guramasynyň bilelikde beren beýanatynda, Ysraýylyň guran soňky hüjümleriniň we gabawynyň Gazadaky ynsanperwer weýrançylygy çuňlaşdyrýandygy we adamlaryň ömrüne doly biperwaý garaýandygyny görkezýändigi aýan edildi.
Birleşen Milletler Guramasynyň alty guramasynyň ýolbaşçylary Ysraýylyň hüjümleriniň we Gazanyň gabawynyň weýrançylykly täsirlerine ünsi çekip, dünýäniň “adam ömrüne doly biperwaý garalan söweşe” şaýat bolýandygyny aýtdy.
Ynsanperwerlik meselelerini utgaşdyrmak bölümi (OCHA), BMG Çagalara ýardam gaznasy (UNICEF), BMG Taslamalar bölümi (UNOPS), Palestinaly bosgunlara ýardam agentligi (UNRWA), Bütindünýä Azyk programmasy (WFP) we Bütindünýä Saglygy goraýyş guramasynyň (WHO) ýolbaşçylarynyň gol çeken beýanatda: “Bir aýdan gowrak wagt bäri Gaza hem söwda hem-de ynsanperwer kömekleriň salynmagyna rugsat berilmeýär” diýip bellendi.
Beýanatda: "2,1 milliondan gowrak adam ýene-de bombalanýar, açlyk we gabaw astynda saklanýar. Azyk, derman, ýangyç we ýaşaýyş üçin zatlar gümrük geçelgelerinde köpelýär, emma eltip bolmaýar" diýilýär.
Beýanatda ýaraşyk ylalaşygyň düzgünleriniň bozulmagyndan soň ilkinji hepdede 1000-den gowrak çaganyň öldürilendigi ýa-da ýaralanandygy bellenip: "Bu soňky bir ýylda Gazada hasaba alnan çagalaryň arasynda iň ýokary hepdede ölenleriň sany" diýilýär.
Ynsanperwer kömekleriň duruzylandygyna ünsler çekilýän beýanatda: "Birnäçe gün ozal, Bütindünýä Azyk Maksatnamasy tarapyndan ýaraşyk ylalaşygy wagtynda goldanýan 25 çörek bişirilýän kärhana un we gaz ýetmezçiligi sebäpli ýapylmaga mejbur boldy" diýip aýan edildi.
BMG-nyň resmileri: “Ynsanperwer krizis görlüp-eşidilmedik derejä ýetdi. Gazadaky söweşiň adam durmuşyna doly biperwaý garalýandygyna şaýat bolýarys" diýip nygtadylar.
“Ysraýylyň täze ewakuasiýa görkezmeleri ýüz müňlerçe palestinany ýaşaýan ýerlerinden başga ýerlere göçmäge mejbur etdi, sygynyp boljak howpsuz ýer ýok” diýip bellenen beýanatda, Gaza ýeterlik derejede ynsanperwer kömegiň ýetirilýändigi baradaky öňe sürmeleriň “zolakdaky hakykatdan örän uzakdygy” aýan edildi.
2023-nji ýylyň oktýabr aýyndan bäri azyndan 408 işgäriň, şolaryň 280-den gowragynyň UNRWA işgäridigi beýan edildi.
