Litwanyň metbugatynda çykan habarlara görä Litwanyň Howplary Dolandyrmak Boýuynça Milli Merkezi (NKVC) düýn ýerli wagt bilen sagat 12:56-da ýurduň howa giňişliginde näbelli bir jisime degişli duýduryş alnandygyny habar berdi. Şeýle hem paýtagt Wilnýusda we onuň töwereklerinde sagat 12:59-da ýüze çykmagy ähtimal awia howp sebäpli sary duýduryş yglan edildi.
Radar ýazgylarynda uçarmansyz howa enjamy y diýlip çaklanan jisimi barlamak üçin ýurtda nobatçylyk edýän NATO-nyň harby uçarlary uçuryldy.
Geçirilen barlagyň netijesinde radarlar tarapyndan anyklanan jisimiň uçarmansyz howa enjamy däl, eýsem guş sürüsidigi anyklandy.
NKVC ilkinji radar şekillerinde guş sürüleriniň, uçarmansyz howa enjamlarynyňka meňzeş yzlary galdyryp bilýändigini habar berdi.
Takmynan 40 minut dowam eden howa duýduryşy bes edildi. Wagtlaýynça ýapylan Wilnýusyň howa menzilindäki gatnawlar hem gaýtadan başlady.
