Türkiýe Respublikasynyň Prezidenti R. T. Erdogan, 8-nji noýabr Ýeňiş gününe bagyşlanan çärelere gatnaşmak üçin Azerbaýjana sapar guramagy meýilleşdirýändigini aýtdy.

Koreýa guran resmi saparyndan gaýdyşyn uçarda metbugata beýannama beren Erdogan, Azerbaýjana sapar guramagy meýilleşdirýändigini nygtady.

Azerbaýjanyň Prezidenti Ilham Aliýew bilen telefon arkaly söhbetdeşlik geçirendigini aýdan Erdogan Daşary işler ministri bilen Milli howpsuzlyk gullugynyň başlygynyň Bakuwda saparda bolandygyny ýatlatdy.

Prezident Erdogan Türkiýe bilen Azerbaýjanyň arasyndaky doganlygyň ähli kynçylyklaryň hötdesinden geljekdigini belledi.

Azerbaýjanda 2020-njy ýyldaky Garabag söweşindäki ýeňişiň hormatyna 8-nji noýabr Ýeňiş güni hökmünde bellenilip geçilýär.

8-nji noýabryň Azerbaýjan üçin iň şanly günlerden biridigini nygtan Erdogan, paýtagt Bakuda geçiriljek baýramçylyk dabaralaryna gatnaşmagy meýilleşdirýändigini ýatlatdy.