Türkiýäniň goranyş senagaty pudagy boýunça iş alyp barýan Baýraktar firmasy tarapyndan öndürlen Kyzylelma uçarmansyz hüjüm ulagy, Aselsan tarapyndan strategik güýjüni artdyrmak maksady bilen täze elektron galkan bilen has-da güýçlendi.
Kyzylelma täze galkany bilen ilkinji uçuş synagyny üstünlikli ýagdaýda tamamlady.
Aselsan FEWS-U elektron söweş toplumyny Kyzylelma girizip, onuň häzirki zaman howa söweş şertlerinde diri galmagyny ýokarlandyrdy.
Ulgam uçarmansyz howa ulagyny 360 derejeli elektron galkan bilen gurşap alýar, ol gelýän radar howplaryny çalt anyklap, seljerip we olaryň takyk ugruny kesgitläp bilýär.
Ulgam howplaryň anyklanylmagyndan soň ulagy goramak üçin awtomatiki ýagdaýda degişli çäreleri görýär.
Tehnalogiýa uçarmansyz howa ulaglary platformalaryna laýyklykda we çäklendirmelerine görä uýgunlaşdyryldy.
