Stambulyň Baş Prokurorlygy, Ysraýylyň halkara suw giňişliginde Halkara Sumud ynsanper kömek flodyna guran hüjüminde 24 türk raýatynyň tussag edilmegi bilen baglanşykly derňew işini başlatdy.
Mesele hakynda penşenbe güni berlen beýannamada, Gaza ynsanperwer kömegini alyp giden Halkara Sumud flodyna Ysraýylyň howpsuzlyk güýçleri tarapyndan guralan hüjümden soň 24 türk raýatynyň tussag edilmegi boýunça derňew işiniň başladylandygy nygtaldy.
Derňew işi gynamak, azatlykdan mahrum etmek, ulag serişdelerini ogurlamak ýada ele geçirmek, agyr talaňçylyk günäkärlemeleri boýunça Deňiz hukugy boýunça BMG-nyň konwensiýasynyň düzgünleriniň, Jenaýat kodeksiniň 15-nji maddasyndaky ygtyýarlyk düzgünleriniň Türk jenaýat kodeksiniň 12-nji we 13-nji maddalarynyň esasynda alnyp barylýar.
223 meýletin tussag edildi
Halkara Sumud ynsanperwer kömek flodynyň guramaçylarynyň penşenbe güni beren beýannamasyna görä, Gaza ynsanperwer kömegini alyp barýan kerwende ýer alýan 223 meýletin Ysraýylyň howpsuzlyk güýçleri tarapyndan tussag edildi.
Halkara Sumud ynsanperwer kömek flody çarşenbe güni ýary gije 15 gämä Ysraýylyň howpsuzlyk güýçleri tarapyndan hüjüm guralandygyny mälim etdi.
Hüjüme sezewar bolýan gämilerdäki 223 meýletin hakynda Instagram arkaly maglumat berildi.
Beýleki tarapdan 20 gäminiň Ysraýylyň hüjümine sezewar bolandygy, 24 gäminiň bolsa Gaza tarap ýoluna dowam edýändigi öňe sürüldi.
Ysraýyl 2,4 million golaý ilaty bolan Gazany 18 ýyldan bäri gabaw astynda tutýar we mart aýynda ähli gümrük geçelgelerini ýapdy. Halk şol günden bäri azyk we derman ýetmezçiligi sebäpli agyr günleri başdan geçirýär.
Ysraýylyň 2023-nji ýylyň oktýabr aýyndan bäri Gaza guraýan hüjümlerinde esasy bölegi zenanlardan we çagalardan ybarat 66 müňden gowrak palestinli ýogaldy.
