Ukrainanyň daşary işler ministri Andriý Sybiha rus goşunynyň öz ýurduna guran soňky hüjümlerinde asuda ilatdan 78 ölendigini aýtdy we bu mesele boýunça Birleşen Milletler Guramasynyň Howpsuzlyk Geňeşiniň (BMGGK) gyssagly mejlisini çagyrýandyklaryny yglan etdi.

Ukrainanyň daşary işler ministri Andriý Sybiha sosial media hasabyndn beren beýanatynda Ukrainanyň soňky günlerde güýçli howa hüjümlerine sezewar bolandygyna ünsi çekip, "Ukraina Russiýanyň täze terror tolkunyna jogap hökmünde BMG-niň Howpsuzlyk Geňeşiniň mejlisini geçirmegi talap etdi" diýip belledi.

Sybiha rus goşunynyň 7-nji oktýabrda Priluki şäherine hüjüm gurandygyny we düýn Kramatorskda iki ýolagçy awtobusyny nyşana alandygyny belläp, paýtagt Kiýewde hem hüjümleriň amala aşyrylandygyny we soňky günlerde 78 adamyň ölendigini we 215 adamyň ýaralanandygyny mälim etdi.

Sybiha: "Söweş meýdanynda hiç hili netije gazanyp bilmedik uruş jenaýatçysy (Russiýanyň prezidenti Wladimir) Putin Ukrainanyň asuda ilatyna garşy terroryny güýçlendirýär" diýip nygtady.

Russiýanyň BMG-däki hemişelik missiýasynyň "bikanundygyny" öňe süren Sybiha, "halkara jemgyýetçiligi BMG-niň Tertipnamasynyň ýörelgelerine eýermeli we Russiýanyň hereketlerine anyk we degişli jogap berilmegini üpjün etmeli" diýip belledi.