Pakistan ylalaşyga goldaw beren Türkiýe bilen birlikde beýleki ýaranlaryna minnetdarlyk bildirdi
Pakistanyň Premýer-ministri Şahbaz Şerif, sebitde parahatçylygyň we durnuklylygyň ýola goýulmagyna goldaw beren Aýlag ýurtlaryna minnetdarlyk bildirdi.
Pakistanyň Premýer-ministri Şahbaz Şerif, ABŞ bilen Eýranyň arasynda ylalaşyk gazanylmagynda uly rol oýnan Türkiýä, Hytaýa, Saud Arabystanyna we beýleki ýaranlaryna beren goldawlary üçin uly minnetdarlyk bildirdi.
Şerif çarşenbe güni X sosial media platformasy arkaly beren habarnamasynda “Hytaý, Saud Arabystany, Türkiýe, Müsür we Katar ýaly doganlyk ýurtlarymyza ylalaşygyň gazanylmagyna uly goldaw berendikleri we parahatçylyk tagallalaryna goşant goşýandyklary üçin sag bolsun aýdýaryn” diýdi.
Şerif çarşenbe güni ertiriň irki sagatlarynda söweşýän taraplaryň arasynda iki hepde möhlet bilen ylalaşyk gazanylandygyny yglan edipdi.
Şahbaz Şerif, ABŞ-nyň we Eýranyň wekillerini ähli düşnüşmezlikleriň ortadan aýrylmagy we anyk ylalaşyk gazanylmagy üçin Yslamabada çagyrdy.
Pakistanyň Premýer-ministri sebitde parahatçylygyň we durnuklylygyň ýola goýulmagyna uly ähmiýet berýän we munyň üçin tagalla edýän Aýlag hyzmatdaşlyk geňeşine agza ýurtlara uly minnetdarlyk bildirdi.
ABŞ-nyň Prezidenti Donald Tramp sişenbe güni Eýran bilen iki hepde möhlet bilen ylalaşyk gazanylandygyny mälim etdi.
Tramp Tährana gepleşikler üçin 10 maddalyk teklip hödürländigini nygtady.
Pakistanyň Premýer-ministri Şerif şu gün ir ertir Eýranyň Prezidenti Mesud Pezeşkiýan bilen telefon arkaly söhbetdeşlik geçirdi.
Şerif Pakistanyň ýerleşýän sebitinde we dünýäde parahatçylygyň ýola goýulmagy üçin birlikde tagalla edilmeginiň ähmiýetine ünsi çekdi.