Ukraina bilen Wengriýa, Kiýewiň Budapeştiň adyndan içalylyk edýändigi sebäpli iki adamy saklamagyndan soň iki taraply ýagdaýda iki diplomat ýurtdan çykaryldy.
Soňky ýyllarda Kiýew bilen Budapeşdiň arasyndaky gatnaşyklar has-da dartgynlaşdy. Wengriýanyň Premýer-ministri Wiktor Orban 2022-nji ýylda Ukraina hüjüm eden Russiýa goldaw beripdi. Wengriýa Ukrainanyň ÝB-ne agzalyk etabyny hem bökdäpdi.
Ukrainanyň merkezi razwetka gullugy SBU anna güni Wengriýa serhedinde ýerleşýän Zakarpattiýa etrabynda howa goranyş ulgamlarynyň ýerleri bilen birlikde gizlin maglumat ýygnaýan wengiýaly iki içalyny saklandyklaryny mälim edipdi.
SBU tarapyndan berlen beýannamada, “Ukrainanyň taryhynda ilkinji gezek razwetka gullugy, döwletimize zeper ýetirmek maksady bilen içalylyk edýän wengiýaly iki adamyň ýerini anyklady we iki içaly saklandy” diýildi.
SBU sübheli 40 ýaşyndaky bir zenan bilen erkek adamyň ozalky harby işgärdigini we Wengriýanyň razwetka gullugy tarapyndan gönükdirilýändigini mälim etdi.
SBU tarapyndan berlen beýannamada, “Olar ömür boýy azatlykdan mahrum edilip bilner” diýildi.
Garalama kampaniýasy
Wengriýa, Ukrainanyň Budapeştdäki ilçihanasynda işleýän iki diplomady içalyk edýändigi sebäpli ýurtdan çykardy.
Wengriýanyň Daşary işler ministri Peter Siýýarto iki diplomadyň ýurtdan çykarlandygyny mälim etdi.
Ministr Siýýarto Ukrainanyň gozgan işi “soňky garalama kampaniýasy” hökmünde häsiýetlendirdi.
Ministr Siýýarto Fajebooktan beren wideo ýüzlenmesinde anti-Wengriýa propagandasynyň artandygyny nygtap, “Wengriýa we Ukrainadaky wenger halkyna garşy alnyp barylýan garalama kampaniýalaryna rugsat bermeris”diýdi.
Ukraina hem Wengriýaly iki diplomadyň ýurtdan çykarylmagy barada karar kabul etdi.
Ukrainanyň razwetka gullugy, içalylyk etmekde günäkärlenýän adamyň wengriýaly ofiserden nagt pul alandygyny we azyndan iki adamy maglumat beriji hökmünde işe almaga synanşandygyny öňe sürdi.
Soňky gezek 2001-nji ýylda geçirlen ilat sanawynda görä, Ukrainanyň Zakarpatiýa sebitinde 150 müňe golaý wenger ýaşaýar.
