Kiýewiň häkimi Mikola Kalaşnyk Ukrainanyň paýtagtynyň etraçalaryndan birine guralan dron hüjüminde bir adamyň ýogalandygyny, 11 adamyň ýaralanandygyny beýan etdi.

Kalaşnik beýannamasynda “nobatdaky duşman dron hüjüminiň” guralandygyny beýan etdi we halas ediş toparlarynyň köp gatly binalaryň ýaşaýjylarynyň ewakuasiýa edilendigini, ýangyn söndüriş işleriniň dowam edýändigini aýtdy.

Kalaşnik “Telegram” arkaly “Gynansagam Wyşgoroda guralan duşman hüjüminiň netijesinde bir adam ýogaldy, 11 adam ýaralandy. Şolardan biri çaga” diýip ýazdy. Soňky hüjüm anna gijesi guralan we üç adamyň ölmegine, Ukrainada ýüzlerçe müň adamyň elektrik toksyz galmagyna sebäp bolan rus hüjüminden soň guraldy.

Ýaraşyk gepleşikleri

 Ukrainanyň döwlet Ýolbaşçysy Wladimir Zelenskiý ukrainanyň wekiliýetiniň şenbe güni urşy bes etmek hakyndaky Amerikan meýilnamasy boýunça gepleşikler geçirmek üçin ABŞ-na gidendigini aýtdy.

Waşingtonyň birinji teklibi Ukrainanyň gündogaryndaky Donesk sebitinden çekilmegini we ABŞ-nyň Doneski, Krymy we Lugansky Russiýanyň çäklerinde ykrar etmegini öz içine alýardy.

Kiýewden we Ýewropadan birildirilen reaksiýalardan soň ABŞ birinji taslamanyň çäklerini daraltdy, emma taslamanyň mazmuny näbelli bolmagnda galýar.

Fransuz resmilerinden biriniň beýan etmegine Zelenskiý duşenbe güni Fransiýanyň Przidenti Emmanuel Makron bilen duşuşmak üçin Pariže sapar eder.

Kreml bolsa Russiýanyň gepleşiklere henizem açykdygyny we çaknyşygyň diplomatik ýollardan çözülmegini isleýändigini beýan etdi.