Türkiýe Respublikasynyň Prezidenti R. T. Erdogan anna güni Stambul howa menziliniň dördünji gonalgasynyň we goşmaça maýa goýumlaryň açylyş dabarasyna gatnaşdy.
Prezident Erdogan dabarada eden çykyşynda Stambul howa menziliniň dördünji gonalgasynyň halkara arabaglanşygy artdyrjakdygyny aýtdy.
Erdogan Türkiýäniň ýolagçy gatnawynyň 2026-njy ýylyň ýanwar-awgust aýlaryny öz içine alýan 8 aýlyk döwürde 167,5 milliona ýetendigini belledi.
Prezident Erdogan “Diňe Stambulda 604,4 milliard lirasy howa ýoluna, ulag pudagyna we infrastuktura bolmak bilen jemi 2,12 trillion liralyk maýa goýduk. Türkiýäni dünýäniň iň uly uçuş mümkinçiligine eýe ýurtlardan biri ýagdaýyna getirdik” diýdi.
Türkiýäniň dünýäniň uçuş mümkinçiligine eýe esasy ýurtlaryndan biridigini nygtan Erdogan, Adalat we ösüş partiýasy döwründe hökümetiň soňky 24 ýylda howa menzilleriniň sanyny 26-dan 58-e çykarandygyny ýatlatdy.
Prezident Erdogan “Halkymyz bilen birlikde ýerleşýän sebitimizde we dünýäde Türkiýäni täsiri gün saýyn güýçlenýän ýurt ýagdaýyna getirdik” diýip belledi.
Ulanylmaga berlen täze gonalganyň uzynlygy 2,820 metr we ini 45 metr bolup, howa menziliniň ilkinji gündogar-günbatar gonalgasyny emele getirýär.
